ინგლისის პრემიერ ლიგის მე- 16 ტურის მთავარი დაპირისპირება - მანჩესტერული დერბი "იუნაიტედსა" და "სიტის" შორის შესაძლოა დიდთოვლობის გამო გადაიდოს. შეგახსენებთ, აღნიშნული შეხვედრა, ხვალ თბილისის დროით 20:30 სთ-ზე არის დაგეგმილი.

ამ დღეების განმავლობაში, მანჩესტერს დიდი თოვლი დაატყდა თავს. მატჩის ორგანიზატორებს მიაჩნიათ, რომ მეტეოროლოგიური პირობების გამო შესაძლოა, მოედნის საფარმა თამაშისთვის არასასურველ მდგომარეობას მიაღწიოს, ხოლო ტრიბუნების ამჟამინდელმა მდგომარეობამ, შეიძლება არ დააკმაყოფილოს გულშემატკივრებისთვის განსაზღვრული უსაფრთხო პირობები.

სწორედ აღნიშნული ფაქტის გამო, ხვალინდელი შეხვედრის გამართვას საფრთხე ემუქრება. ჯერჯერობით კი ოფიციალური ცნობა იმის შესახებ გადაიდება თუ არა თამაში, არ ვრცელდება.



წყარო: euro-football.ru