ბეილის მადრიდულ კლუბში არასახარბიელო მდგომარეობის გამო, ხშირად ვრცელდება ჭორები მისი გუნდიდან წასვლის შესახებ. ბეილის მსურველთა შორის "მანჩესტერ იუნაიტედიც" არის, თუმცა კლუბი ბეილში 100 მილიონი ფუნტი სტერლინგის (თითქმის 115 მილიონი ევრო) გადახდას არ აპირებს.
"რეალი" უელსელში აღნიშნულ თანხას მოითხოვს, წითელი ეშმაკები თანხის შემცირებას მოითხოვენ, წინააღმდეგ შემთხვევაში ტრანსფერის განხორციელება არ შედგება. მათი აზრით უელსელში ამხელა თანხის გადახდა მართებული არ არის, ისინი ფეხბურთელს 40-50 მილიონ ევროდ აფასებენ. სწორედ ამ თანხის დასახელების შემთხვევაში მოირგებს ბეილი "იუნაიტედის" მაისურს.
შეგახსენებთ, გასული სეზონის მსგავსად გარეთ ბეილს წლევანდელ სეზონშიც ტრავმები აწუხებს, რის შედეგადაც ფეხბურთელს მნიშვნელოვანი შეხვედრების გაცდენა უწევს, აღნიშნული ფაქტის გამო მადრიდელები უკმაყოფილებას გამოხატავენ, რამაც შესაძლოა მისი კლუბიდან აბარგება გამოიწვიოს.
წლევანდელ სეზონში ბეილის ანგარიშზე ყველა ტურნირზე ჩატარებულ შეხვედრებში 3 გოლი და 4 საგოლე გადაცემა ირიცხება. ამჟამად ფეხბურთელი ისევ ტრავმიანობს, თუმცა გუნდს მალე დაუბრუნდება.