"მანჩესტერ იუნაიტედის" ბრაზილიელი ნახევარმცველი, ანდრეას პერეირა, რომელიც იჯარის წესით "ვალენსიაში" ასპარეზობს, იმედოვნებს რომ მისი არენდა ზამთრის სატრანსფერო პერიოდში არ დასრულდება.
გასულ ზაფხულს პერეირა ჟოზე მოურინიოს გადაწყვეტილებით უკმაყოფილო იყო და "იუნაიტედის" სათადარიგოთა შემადგენლობაში ყოფნას "ვალენსიაში" გადაბარგება არჩია.
მიმდინარე სეზონში ჟოზე მოურინიომ უკვე განაცხადა, რომ მას სურს ანდრეასის "ოლდ ტრაფორდზე" დაბრუნება და სავარაუდოდ ამას იანვარში გააკეთებს, თუმცა პერეირა იმედოვნებს, რომ "იუნაიტედი" მისცემს "მესტალიაზე" სეზონის ბოლომდე დარჩენის უფლებას.
"ვიცი, რომ კლუბების მიერ გაფორმებულ ხელშეკრულებაში არ არის შესაბამისი პუნქტი გაფორმებული, თუმცა მე მსურს აქ სეზონის ბოლომდე დარჩენა, რათა "ვალენსიას" წარმატების მიღწევაში დავეხმარო. სწორედ ამიტომ ვარ აქ.
"ჩემთვის ახლა მნიშვნელოვანი "ვალენსიას" შემადგენლობაში მოხვედრაა. ვიცი ადვილი არ იქნება შუა სეზონზე "იუნაიტედში" დაბრუნება და იმედი მაქვს, რომ ეს არ მოხდება." - განაცხადა ანდრეას პერეირამ "SuperDeports"-თან ინტერვიუში.