2014 წელს "საუთჰემპტონიდან" 28 მილიონ ფუნტად შეძენილ მცველს ჯერ კიდევ არ გამოუვლენია თავისი პოტენციალი "ოლდ ტრაფორდზე".
22 წლის ფეხბურთელს ტრავმიანობის პრობლემა აქვს და სამწელიწადნახევარში პრემიერ ლიგაში მხოლოდ 32 მატჩი ჩაატარა.
მისი მონდომება და შრომისმოყვარეობა ეჭვქვეშ დააყენა ჟოზე მოურიონიომ მიმდინარე წელს და მიუხედავად იმისა, რომ სრულიად ჯანმრთელია ამჟამად, მხოლოდ ლიგის თასის ორ მატჩში მიიღო მონაწილეობა.
მოურინიოს მოთმინება კი ამოიწურა და მედია ამტკიცებს, რომ მას მცველთან განშორება სურს და ამას სატრანსფერო ფანჯრის გახსნისთანავე გააკეთებს.
"იუნაიტედი" შოუში მხოლოდ 20 მილიონ ფუნტს მოითხოვს, მისი შეძენით კი პრემიერ ლიგის რამდენიმე კლუბია დაინტერესებული და მათ შორისაა მისი ყოფილი გუნდი, "საუთჰემპტონიც".