საფეხბურთო კლუბ "ბეშიქთაშის" წარმომადგენელის, მეთინ ალბარექის განცხადებით, "მანჩესტერ იუნაიტედის" ბელგიელი ნახევარმცველით, მარუან ფელაინით თურქული კლუბი ინტერესდება.
ბოლო დროს, ჟოზე მოურინომ არაერთხელ განაცხადა, რომ მარუანი მისთვის საჭირო მოთამაშეა და მისი შენარჩუნება სურს, თუმცა კლუბს და ფელაინს შორის კონტრაქტი არ განახლებულა. არსებული ხელშეკრულებით კი, მარუან ფელაინი სეზონის ბოლოს თავისუფალი აგენტი გახდება.
ის ფაქტი, რომ ნახევარ წელიწადში ფელაინი შესაძლოა ხელმისაწვდომი გახდეს ყოველგვარი კომპენსაციის გარეშე, მისი შეძენით რამოდენიმე კლუბის იჩენს ინტერესს, რომელთა შორისაც არის თურქეთის "ბეშიქთაში".
"მოლაპარაკებები არ შეწყვეტილა. დიახ, ფელაინი ჩვენს სატრანსფერო სიაშია და ვცდილობთ მის გადაბირებას, თუმდა ყველაფერი მარუანზეა დამოკიდებული.
ის არ არის ერთადერთი ფეხბურთელი, რომლითაც კლუბი ინტერესდება. გასულ კვირას ჩვენი სკაუტების გუნდი 20 სხვა და სხვა მატჩს დაესწრო. კლუბს მიზნად აქვს თურქეთის ჩემპიონობა და ევრო ასპარეზზე წარმატების მიღწევა, ამისათვის კი ,საჭიროა მაღალი დონის მოთამაშეების დამატება.
მოლაპარაკებები კვლავ მიმდინარეობს. გვსურს მარუან ფელაინის შეძენა იანვრის სატრანსფერო პერიოდში, თუმცა ყველასათვის ცხადია, რომ ეს ადვილი არ იქნება." - განაცხადა მეთინ ალბარექმა "Turkish Football"-თან ინტერვიუში.