მარუან ფელაინი კამერებმა ოთხშაბათ დილას სტამბოლის ერთ-ერთ სასტუმროში შენიშნეს.

BesiktasTalk-ის თვითერი თურქულ გაზეთ "მილიეთზე" დაყრდნობით აცხადებს, რომ "მანჩესტერ იუნაიტედის" ფეხბურთელი თურქეთში იანვარში "ბეშიქთაშში" გადასვლის ვარიანტის განსახილველად ჩავიდა.

ვიდეო, რომელიც ამჟამად ტრავმირებულ ფელაინიზეა გადაღებული, ბელგიელს თურქეთში მყოფს აღნიშნავს.



მარუანი ჟოზე მოურინიოს გუნდის ერთ-ერთი მნიშვნელოვანი ფიგურა გახდა და ზაფხულში პორტუგალიელმა აღნიშნა, რომ მის გაყიდვას არ აპირებს. მაშინ ბელგიელს "გალათასარაის" უკავშირებდნენ.

"გალათასარაისთვის ჩემი გადაბირება უფრო ადვილი იქნება, ვიდრე მისი. ის ძალიან მნიშვნელოვანია ჩემთვის. შანსი არ არის."

ფელაინის "იუნაიტედის" რიგებში 9 ოქტომბის შემდეგ არ უთამაშია, რადგან ბელგიის ნაკრებში ასპარეზობისას მან ტრავმა მიიღო, თუმცა მოედანს მომდევნო კვირაში უნდა დაუბრუნდეს.

29 წლის ფეხბურთელის გადაბირებით კი "გალათასარაი" და "ბეშიქთაში" ინტერესდებიან.