"მანჩესტერ იუნაიტედის" უელსელმა ნახევარმცველმა რაიან გიგზმა 104 წლის გულშემატკივარს პირადად მოულოცა იუბილე."წითელი ეშმაკების" ლეგენდამ,რომ გაიგო ემილი მალინდერის შესახებ პირადად გადაწყვიტა მასთან მისულიყო და ემილისთვის 104 წლის იუბილე მიელოცა.მიმდინარე სეზონის დასაწყისში ემილიმ განაცხადა,რომ მისი ოცნებაა შეხვედრიყო უელსელ ნახევარმცველს.ემილის ოჯახის წევრებმა გადაწყვიტეს მისგან დამოუკიდებლად დაკავშირებოდნენ კლუბს.

"ემილს ძალიან უყვარს ფეხბურთი განსაკუთრებით კი "მანჩესტერ იუნაიტედი".ერთხელ ვკითხე ყველაზე მეტად ვისი ნახვა სურდა "წითელი ეშმაკების" რიგებიდან და მან უყოყმანოდ მითხრა რაიან გიგიზი.ამის შემდეგ გადავწყვიტე ყველანაირად მომეხერხებინა ემილისთვის რაიან გიგიზსთან შეხვედრა და კლუბს დავუკავშირდი.სიმართლე გითხრათ ნამდვილად არ მჯეროდა,რომ ეს შეხვედრა შედგებოდა,მაგრამ კლუბს მინდა გადავუხადო ამ შეხვედრისთვის დიდი მადლობა.იმ მომენტში ემილი ყველაზე ბედნიერი ადამიანი იყო ამ ქვეყნად." - განაცხადა ამ შეხვედრის კოორდინატორმა ანხელ მაკგინტმა.

"მათ ძალიან ბევრი ისაუბრეს სხვადასხვა თემებზე და ბოლოს სურათიც კი გადაიღეს.რაიანმა ემილს დაჰპირდა,რომ მომავალ წელსაც ესტუმრებოდა.მე მინდა ემილის და ყველა ჩვენგანის სახელით დიდი მადლობა გადავუხადო კლუბს და რაიანს.ეს ნამდვილად დასაფასებელია შემთხევაა.ეს იყო წარმოუდგენელი დღე ემილის ცხოვრებაში." - განაცხადა ანხელ მაკგინტმა.

ამ შეხვედრის შემდეგ "მანჩესტერ იუნაიტედის" უელსელმა ნახევარმცველმა რაიან გიგზმაც გაუზიარა მედიას თავისი ემოციემი.

"ყოველთვის მომწონს ჩვენს გულშემატკივართან შეხვედრა,მაგრამ ემილის ნახვა განსაკუთრებული იყო.ის არის "მანჩესტერ იუნაიტედის" გულშემაკივარი უკვე დიდი ხანია და ეს ნამდვილად დასაფასებელია.მან კარგად იცის თუ რა არის ფეხბურთი.ჩვენ ვისაუბრეთ ისტორიულ მატჩებზე და ეს საუბარი ძალზედ საინტერესო გამოდგა." - განაცხადა რაიანმა.