წითელი ეშმაკების შემადგენლობაში მოთამაშე, ახალგაზრდა პერსპექტიულმა ფეხბურთელმა სკოტ მაკტომინიმ, არსებული კონტრაქტი გაახანგრძლივა და ის "იუნაიტედთან" განშორებას მინიმუმ 2021 წლამდე ვერ შეძლებს, კონტრაქტი ამოწურვის შემდეგ, 1 წლით გახანგრძლივების მუხლსაც შეიცავს.

შეგახსენებთ მაკტომინი აკადემიის აღზრდილია, 20 წლის ახალგაზრდა ფეხბურთელის დებიუტი პირველ გუნდში, გასულ სეზონში "არსენალის" წინააღმდეგ გამართულ შეხვედრაში შედგა, ამ კვირაში მას ასევე ქონდა დებიუტი ჩემპიონთა ლიგაზე, "ბენფიკას" წინააღმდეგ გამართულ შეხვედრაში, ის სათადარიგო ცვლილების შედეგად ჩაერთო მატჩის მსვლელობაში. ხელშეკრულების გაფორმების შემდეგ, მაკტომინიმ განცხადება გააკეთა.

"მე ამ დიდ კლუბში გავიზარდე, "იუნაიტედი" სამუდამოდ დარჩება ჩემი ცხოვრების შემადგენელ ნაწილად, მე "იუნაიტედის" ცენტრში რომელიც პრესტონში მდებარეობს, მიმიყვანეს ჯერკიდევ მაშინ როდესაც 5 წლის ვიყავი, მას შემდეგ ვცდილობ განვვითარდე, პროგრესი გავაგრძელო და დასახულ მიზნებს მივაღწიო.

გასულ სეზონში ჩემი ოცნება ახდა, მე დებიუტი მქონდა პირველ გუნდში, მინდა ამისთვის მადლობა გადავუხადო მთავარ მწვრთნელს რომელმაც ნდობა გამომიცხადა და გვერდში დამიდგა, უზომოდ ბედნიერი ვიყავი იმით, რომ მთავარ გუნდში გადამიყვანეს ეს ჩემთვის უდიდესი ბედნიერება იყო და ვიმედოვნებ, რომ ეს მხოლოდ დასაწყისია იმ წარმატებული გზის, რომლის გავლასაც ასევე წარმატებით ვაპირებ ამ დიდებულ გუნდში".

"იუნაიტედის" მთავარმა მწვრთნელმა ჟოზე მოურინიომ, ასევე გააკეთა კომენტარი მაკტომინის კონტრაქტის გაგრძელებასთან დაკავშირებით.

"მოხარული ვარ რომ სკოტმა კონტრაქტი გაახანგრძლივა, ის ახალგაზრდა ფეხბურთელია, გვესაჭიროება გუნდში ახალი ენერგია, ნიჭიერი ახალგაზრდა ფეხბურთელები, მაკტომინის შეუძლია წარმატების მიღწევა და ვიმედოვნებ რომ ასეც იქნება, გასულ სეზონში მას დებიუტი პრემიერ ლიგაში ქონდა, ხოლო წლევანდელ სეზონში ჩემპიონთა ლიგაზე, ვფიქრობ ეს უკვე წარმატების დასაწყისია, მე კმაყოფილი ვარ იმით რომ სკოტი მთავარ გუნდში გადმოვიყვანე, მე მას ნდობას ვუცხადებ".- განაცხადა მოურინიომ დასასრულს.


წყარო: manutd.ru