"ტოტენჰემის" ყოფილმა პრეზიდენტმა, ირვინ სკოლარმა განაცხადა, რომ სერ ალექს ფერგიუსონი მას
ლონდონური კლუბის გაწვრთნას დაპირდა.

1984 წელს "ტოტენჰემი" უეფასა და ინგლისის ორი თასის გამარჯვებული გახდა. მიუხედავად ამისა, კეიტ ბარკინშოუ კლუბის წარმომადგენლებთან უთანხმოების გამო გაანთავისუფლეს დაკავებული თანამდებობიდან.

ბარკინშოუს შემცვლელად ალექს ფერგიუსონი მოიაზრებოდა, რომელიც იმ დროისთვის "აბერდინის" დამრიგებელი გახდლდათ. სკოლარიმ და ფერგიუსონმა მიაღწიეს შენათხმებას, რომლის მიხედვითაც, შოტლანდიელი ლონდონში უნდა გადაბარგებულიყო, თუმცა ფერგიუსონმა დაპირება დაარღვია და ორი წლის შემდეგ იგი "იუნაიტედს" ჩაუდგა სათავეში.

"მართალია, მე და ფერგიუსონმა მოვილაპარაკეთ. ჩვენ მასთან დიდი ხანი ვაწარმოებდით მოლაპარაკებებს და ყველა დეტალი შეთანხმებული გვქონდა.

მე მას ვუთხარი, რომ მოხარული ვიქნებოდი მისი ხილვით ჩემს კლუბში და ამისათვის ყველაფერს გავაკეთებდი. შემდეგ ალექსს ხელი ჩამოვართვი და მისგან თანხმობა მივიღე.

ამის შემდეგ, ფერგიუსონს პარიზის აეროპორტში შევხვდი. ვუთხარი, რომ ყველა დეტალი კვირისთვის მზად იქნებოდა და მას ლონდონში ვნახავდი, თუმცა ის არ ჩამოფრენილა.

მას არასოდეს უთქვამს, თუ რატომ არ შეასრულა დანაპირები. მქონდა საკუთარი თეორიები, მაგრამ ახლა ამას არ აქვს მნიშვნელობა. ფერგიოუსონმა პირობა დაარღვია და "აბერდინთან" ხელშეკრულების ამოწურვამდე, კიდევ ორი სეზონი დარჩა. 1986 წელს სერ ალექსი "იუნაიტედს" ჩაუდგა სათავეში, რის შემდეგაც "იუნაიტედი" ორი ათწლეული დომინირებდა მსოფლიო საფეხბურთო ლიგაში. " - განაცხადა ირვინ სკოლარმა "TheSun"-თან ინტერვიუში.

მოგეხსენებათ, ფერიუსონმა სამწვრთნელო საქმიანობას თავი 2013 წელს დაანება, ამ დროის მანძილზე კი "ტოტენჰემმა" 15 მთავარი მწვრთნელი გამოიცვალა.

წყარო: TheSun