არსებობს რამდენიმე კლუბი, რომელთათვისაც ჟოზეს განსაკუთრებული ტკივილი აქვს მიყენებული. მისი პირველი ტიტული ინგლისურ კარიერაში, მოურინიომ ლიგის თასის ფინალში მოიპოვა სწორედ "ლივერპულთან" 2005 წელს და შესაძლოა, 2014 წელს "ლივერპულს" ზუსტად ის სამი ქულა არ ეყო ჩემპიონობისთვის, რომელიც ჟოზეს "ჩელსიმ" წაიღო "ენფილდიდან". ყველა მატჩში ჟოზეს გუნდების წინააღმდეგ კი "ლივერპულმა" ჯამში 28 ქულა დაკარგა.

ამასთანავე, არსებობს იმის საფუძველიც, რომ მოუს არ უყვარდეს "ლივერპული", ჩემპიონთა ლიგის ნახევარფინალებში განცდილი მარცხის გამო 2005 და 2007 წლებში.

"მე მიყვარს საუკეთესო კლუბების წინააღმდეგ თამაში, დიდი ისტორიის მქონე, საუკეთესო სტადიონებზე თამაში. თქვენ მართალი ხართ, "ენფილდზე" განმიცდია კარგი და ცუდი მომენტებიც. "ლივერპულსაც" ჰქონია ჩემი გუნდების წინააღმდეგ კარგი და ცუდი მომენტებიც და ახლა, თუ ისინი მაფასებენ მე, როგორც მე მათ, ჩვენ კიდევ ერთ დაუვიწყარ მატჩს შემოგთავაზებთ.

ამ შეხვედრაში, სასწორზე დევს იგივე სამი ქულა და არა ოთხი ან ხუთი. შესაძლოა, ეს რომ იყოს სეზონის ბოლო, ამ თამაშს უფრო მეტი მნიშვნელობა ჰქონოდა თუ ორივე გუნდი იმ დროისთვის ლიდერები ვიქნებოდით, მაგრამ ეხლა ასე არ არის. ამავე დროს, ესეთ მატჩებში თითოეულ მომენტს დიდი მნიშვნელობა აქვს. ჩვენ გვიწევს თამაში კარგი კლუბის წინააღმდეგ, კარგი ფეხბურთელებით.

ვფიქრობ, ჩვენ ეხლა უკეთესები ვართ, ვიდრე შარშან ვიყავით. თქვენ შეგიძლიათ მითხრათ, რომ ჩვენ ჯერ კიდევ არ გვითამაშია ტოპ ხუთეულის წინააღმდეგ, მაგრამ გასულ სეზონში ჩვენ ვერ დავამარცხეთ "ვესტ ჰემი" და "ევერტონი" შინ, ასევე "საუთჰემპტონი გასვლაზე. უსამართლობა იქნება არ აღინიშნოს ის ფაქტი, რომ ლუკაკუმ და მატიჩმა არ მოახდინეს გავლენა ჩვენს გუნდზე, მაგრამ გუნდმა მისცა მათ ამის შესაძლებლობა ეთამაშათ ისე, როგორც ეხლა თამაშობენ.

გლობალურად თუ შევხედავთ, ჩვენ წელს უკეთესი გუნდი ვართ, ვიდრე შარშან, მაგრამ ნიშნავს ეს იმას, რომ ჩვენ შარშან ორი ტიტული მოვიგეთ და იგივეს განმეორება წელსაც შეგვიძლია? არ ვიცი, მაგრამ ის ფაქტი რომ წელს უკეთესი გუნდი ვართ, ნამდვილად ასეა".


გასულ სეზონში, მოურინიოს გუნდმა ლიგის თასი და ევროპა ლიგის თასი მოიგო. ბევრი ვარაუდობს, რომ წელს "იუნაიტედი" უფრო დიდი ტიტულებისთვის იბრძოლებს. მოურინიო კი უარყოფს პრესის მოსაზრებას, თითქოს "ლივერპულთან" დაპირისპირება, პირველი ინდიკატორი იქნება ამ გუნდის რეალური ძალისა, წლევანდელ სეზონში.

"ახლა ყველა ჟურნალისტი თუ ექსპერტი ერთი და იგივეს იმეორებს: მათ უნდა დაამტკიცონ თავიანთი ძალა, ლუკაკუმ უნდა გაიტანოს გოლი, ისინი ვალდებულნი არიან გაიმარჯვონ. მაგრამ ჩვენ, დასამტკიცებელი არაფერი გვაქვს. ჩვენ გვაქვს კონკრეტული მიზანი ამ სეზონში, ჩვენ ვიცით რა გვსურს და საით უნდა წავიდეთ. ეს იქნება ერთი მატჩი, ერთი შედეგი, ერთი თამაში-ეს გლობალურად არაფერს შეცვლის"- დაასრულა მოურინიომ.