"მანჩესტერ იუნაიტედის" მთავარმა მწვრთნელმა, ჟოზე მოურინიომ განაცხადა, რომ მას არ აქვს როტაციის შესაძლებლობა.

მოგეხსენებათ, რომ ლუკაკუ "იუნაიტედს" გასულ ზაფხულს შეუერთდა და დღემდე 9 ჩატარებულ შეხვედრაში 10 გოლის გატანა მოახერხა.

აღსანიშნავია ის ფაქტი, რომ ლუკაკუმ 9-ვე შეხვედრა შეუცვლელად ჩაატარა. მოურინიოს თქმით, მას არ ჰყავს 24 წლის ცენტრ ფორვარდის შემცვლელი.

"ზლატანის გარეშე, თავდასხმის ხაზის როტაცია შეუძლებელია, განსაკუთრებით იმის გათვალისწინებით, რომ მარკუს რეშფორდი სხვა პოზიციაზე ასპარეზობს.

სწორედ ამიტომ, სანამ ზლატან იბრაჰიმოვიჩი დაბრუნდება, ვერ შევძლებ ჩვენი ცხრიანის სხვა პოზიციაზე გადაყვანას ან მისთვის დასასვენებელი დროის გამოყოფას." - განაცხადა ჟოზე მოურინიომ "SkySports"-თან ინტერვიუში.

წყარო: SkySports.com