Mirror-ი იუწყება, რომ "მანჩესტერ იუნაიტედი" ტურინის "იუვენტუსს" პაულო დიბალას სანაცვლოდ 155 მილიონ ფუნტს შესთავაზებს. წყაროს ვნობით, კლუბის აღმასრულებელი დირექტორი, ედ ვუდვორდი უკვე დაუკავშირდა დიბალას წარმომადგენლებს და ჟოზე მოურინიოს ფეხბურთელისდმი ინტერესი ამცნო.

იტალიურმა კლუბმა არგენტინელთან გასულ ზაფხულს კონტრაქტი 2022-წლამდე გაახანგრძლივა. არგენტინელი მიმდინარე სეზონში ლეგენდარული 10-ნომრიანი მაისურით ასპარეზობს.

23 წლის ფეხბურთელმა სეზონი ბრწყინვალედ დაიწყო, დიბალამ სერია ა-ს საწყის 6 შეხვედრაში 10 გოლის გატანა მოახერხა.

აღსანიშნავია, რომ მანჩესტერულმა კლუბმა თავისი სარეკორდო ტრანსფერი სწორედ ტურინის "იუვენტუსიდან" განახორციელა, როდესაც პოლ პოგბა 89 მილიონ ფუნტად შეიძინა.