Independent-ის მიერ გავრცელებული ინფორმაციით, "მანჩესტერ იუნაიტედი" მზადაა დავიდ დე ხეას ახალი, 5-წლიანი კონტრაქტი შესთავაზოს.

როგორც მოსალოდნელია, დე ხეას ამჟამინდელი ხელფასი - 180 ათასი ფუნტი - 220 ათას ფუნტამდე გაიზრდება და ესპანელი პრემიერ ლიგის ერთ-ერთი ყველაზე მაღალანაზღარებადი ფეხბურთელი გახდება.

ესპანელ მეკარეს - მადრიდის "რეალის" დიდი ხნის სამიზნეს - კლუბთან მიმდინარე კონტრაქტი 2019 წლის ზაფხულამდე აკავშირებს. დე ხეა "იუნაიტედს" 2011 წელს მადრიდის "ატლეტიკოდან" შეუერთდა. ამ ხნის მანძილზე 26 წლის მეკარემ 277 მატჩი ჩაატარა და კარის მშრალად შენახვა 101-ჯერ მოახერხა.

აღსანიშნავია, რომ გასულ ზაფხულს სერხიო რომერომ "მანჩესტერ იუნაიტედთან" კონტრაქტი გაახანგრძლივა. ახალი კონტრაქტით არგენტინელი მეკარე "იუნაიტედის" ღირსებას 2021 წლამდე დაიცავს. ხელშეკრულება ასევე ითვალისწინებს კონტრაქტის ავტომატურად 1 წლით გახანგრძლივებას.

მომზაებულია Independent-ის მიხედვით.