ESPN-ის მიერ გავრცელებული ინფორმაციით, "მანჩესტერ იუნაიტედის" მთავარ მწვრთნელ, ჟოზე მოურინიოს სურს, რომ კლუბმა მარუან ფელაინის კონტრაქტი გაუხანგრძლივოს.

ბელგიელ ნახევარმცველს მოქმედი კონტრაქტი სეზონის ბოლოს ეწურება. წყაროს ცნობით, კლუბში დარჩენა თავად ფეხბურთელსაც სურს.

"ბაზელთან" შეხვედრის წინ მოურინიო ფელაინიზე კომენტარი გააკეთა და განაცხადა, რომ ბელგიელი მისთვის მნიშვნელოვანი ფეხბურთელია.

"ფელაინი ჩემთვის იმაზე მნიშვნელოვანი მოთამაშეა, ვიდრე წარმოგიდგენიათ. როდესაც ის გვაკლია, გუნდში სისუსტეს ვგრძნობ" - განაცხადა მოურინიომ.

ზაფხულის სატრანსფერო ფანჯარაზე თურქულმა გამოცემებმა გაავრცელეს ინფორმაცია იმის შესახებ, რომ "გალათასარაიმ" ბელგიელ ფეხბურთელთან პირადი კონტრაქტის დეტალები შეათანხმა და თუ თურქული კლუბის ხელმძღვანელები "იუნაიტედსაც" შეთანხმდებოდნენ, მაშინ ფელაინი "ოლდ ტრაფორდს" დატოვებდა, თუმცა მანჩესტერელთა მთავარმა მწვერთნელმა ბელგიელის გაშვება იუარა.