''მანჩესტერ იუნაიტედის'' ფორვარდმა, რომელუ ლუკაკუმ ჟურნალისტებთან განაცხადა, რომ მას არ აშინებს შეტევაში კონკურენცია, პირიქით მიესალმება მას.

''მე ვუთხარი ზლატანს, რომ მსურდა მისი დაბრუნება, ჩვენ გვჭირდება მისი გამოცდილება და გამარჯვებულის ხასიათი. ზლატანი გუნდს ბევრ თვისებას შესძენს და დაეხმარება ტიტულების მოპოვებაში.''

ლუკაკუმ მოურინიოზეც გააკეთა კომენტარი:''მოურინიო ძალიან დამეხმარა სწრაფად შევჩვეოდი თანაგუნდელებს, ახლა ვთამაშობ იმ გუნდში, რომელსაც ჰყავს მწვრთნელი, რომელთანაც მუშაობაზე 11 წლიდან ვოცნებობ. მოურინიოსთან ერთად ჩვენ ყველას გვსურს გავაკეთოთ, რაღაც განსაკუთრებული.''

რომელუ ლუკაკუ მიმდინარე სეზონში შესანიშნავად გამოიყურება, მან ''იუნაიტედის'' რიგებში პრემიერ ლიგის პირველ 3 ტურში 3 გოლის გატანა მოახერხა და ბომბარდირია სადიო მანესთან ერთად. ასევე ბელგიელმა ნაკრებშიც გამოიჩინა თავი, მან გიბრალტარს ჰეთ-ტრიკი შეუსრულა, ხოლო გუშინ საბერძნეთს გამარჯვების გოლი გაუტანა და ბელგია მსოფლიო ჩემპიონატის ჯგუფურ ეტაპზე გაიყვანა.

წყარო: www.skysports.com