გუშინ მსოფლიო ჩემპიონატის შესარჩევი ტურნირის მეშვიდე ტურის მატჩები სამ ჯგუფში გაიმართა, რომლებშიც მონაწილეობა "მანჩესტერ იუნაიტედის" რამდენიმე ფეხბურთელმაც მიიღო.

A ჯგუფის შეხვედრაში ერთმანეთს საფრანგეთისა და ჰოლანდიის ნაკრებები დაუპირისპირდნენ. ფრანგებმა მეტოქეს 4-0 სძლიეს და მსოფლიო ჩემპიონატის საგზურს კიდევ უფრო მიუახლოვდნენ. პოლ პოგბამ, ფოსუ-მენსამ და დეილი ბლინდმა მოედანზე 90 წუთი დაჰყვეს.



სოფიაში გამართულ შეხვედრაში ბულგარეთმა დრამატულ ორთაბრძოლაში შვედეთის დამარცხება მოახერხა და და მუნდიალზე გასვლის შანსი დაიტოვა. მატჩში მონაწილეობა ვიქტორ ლინდელოფმაც მიიღო, რომელმაც შეხვედრა შეუცვლელად ჩაატარა.

H ჯგუფის მატჩში ბელგიამ გიბრალტარი 9-0 გაანადგურა. შეხვედრაში თავის გამოჩენა რომელუ ლუკაკუმაც მოახერხა, რომელმაც ჰეთ-თრიკი შეასრულა.