როგორც Don Balon-ი იტყობინება, "მანჩესტერ იუნაიტედო" სატრანსფერო ფანჯრის დახურვამდე მადრიდის "რეალის" ვარსკვლავის, გარეტ ბეილის შეძენას შეეცდება.

მანჩესტერელები "სამეფო კლუბს" £92 მილიონიანი წინადადებით მიმართავენ. ჟოზე მოურინიოს განცხადებით, იმ შემთხვევაში თუ "რეალი" გარეტ ბეილის გასაშვებად მზად იქნება, ის მის შესაძენად აუცილებლად იბრძოლებს.

"იუნაიტედმა" ბეილის შეძენა წინა სამ შემთხვევაშიც სცადა და თუ შესაძლებელი იქნება, ამჯერადაც არ დაიხევს უკან. მადრიდის "რეალთან" უელსელის კონტრაქტი 2022 წელს იწურება და ითვლება, რომ კლუბში ბედნიერი არ არის, რადგან ჯერ კიდევ კრიშტიანუ რონალდუს ჩრდილქვეშ იმყოფება.

28 წლის ფეხბურთელი ესპანეთში 2013 წელს "ტოტენჰემიდან" რეკორდულ თანხად გადავიდა.