The Times-ის ცნობით, ზლატან იბრაჰიმოვიჩი ხელფასის შემცირებას დათანხმდა, რათა "იუნაიტდეში" დარჩენილიყო.

წინა ხელშეკრულების თანახმად, რომელიც ივნისში დასრულდა, შვედი ფორვარდი კვირაში 350 ათას გირვანქას იღებდა, ხოლო ახალი ხელშეკრულების მიხედვით, ზლატანის ხელფასი 125 ათასი ფუნტი იქნება.

წყაროს თანახმად, აშშ-სა და ჩინეთიდან კლუბები მზად იყვნენ იბრაჰიმოვიჩისთვის უკეთესი ფინანსური პირობები შეეთავაზებინათ, მაგრამ ზლატანმა "იუნაიტედში" დარჩენა გადაწყვიტა.

"იყო რამდენიმე კლუბი, რომლებსაც სურდათ იბრა-კადაბრა მათი გუნდის ნაწილი გამხდარიყო ... მაგრამ მე შესანიშნავი წელი გავატარე "იუნაიტედში", მე არ მინდოდა წასვლა". - განუცხადა ზლატანმა ESPN- ს.

"დიდი სეზონი გვქონდა, სამი თასის მოგება მოვახერხეთ. ფანტასტიკური ბიჭები, დიდი კლუბი, მწვრთნელი, რომელსაც პატივს ვცემ და ასევე ჩემი ოჯახიც ბედნიერია, კლუბის არჩევისას, ითვალისწინებ არა მხოლოდ სპორტულ კომპონენტებს. ახლა ყველა ბედნიერია, მე კი უფრო ბედნიერი ვარ, ასე რომ, ამ წელს მზად ვარ, თუნდაც უფასოდ ვითამაშო "იუნაიტედისთვის". - დასრულა შვედმა.