გავრცელებული ინფორმაციის თანახმად, "მანჩესტერ იუნაიტედის" ახალგაზრდა ფეხბურთელი, ანდრეას პერეირამ შესაძლოა, გუნდი დატოვოს და 1-წლიანი იჯარით "ვალენსიაში" გადაბარგდეს.

21 წლის ფეხბურთელმა გასული სეზონი სწორედ ლა ლიგაში, კერძოდ კი "გრანადაში" გაატარა. ბრაზილიელმა ესპანური გუნდის შემადგენლობაში 35 შეხვედრა ჩაატარა, სადაც 5 გოლის გატანა და 3 საგოლე პასის გაკეთება მოახერხა.

ცოტა ხნის წინ პერეირამ MUTV-სთან ინტერვიუში განაცხადა, რომ მისი მთავარი მიზანი "იუნაიტედში" დარჩენა და ძირითადი ადგილისთვის ბრძოლაა.

"იუნაიტედში" ყოფნით ძალიან ბედნიერი ვარ. დარწმუნებული ვარ, რომ შანსი მექნება და ეს შანსი უნდა გამოვიყენო. მინდა აქ ვიყო და ჩემი ადგილისთვის ვიბრძოლო, ვაჩვენო ყველას თუ რა შემიძლია და დავეხმარო გუნდს ტიტულების მოგებაში."