Dailymail-ის ცნობით "მანჩესტერ იუნაიტედში" მიიჩნევენ, რომ ზლატან იბრაჰიმოვიჩი იმაზე ადრე მოიშუშებს ტრავმას, ვიდრე ამას მოელოდნენ. ამის გათვალისწინებით, დიდი შანსია, რონ შვედი ფორვარდი კვლავ ვიხილოთ ინგლისურ გრანდში.
შეგახენებთ, რომ იბრაჰიმოვიჩი 35 წლისაა და მან გასულ სეზონში, კერძოდ კი "ანდერლეხტის" წინააღმდეგ გასამართ მატჩში მიიღო ტრავმა და მას შემდეგ უქმობს. ჟოზე მოურინოს კვლავ სურს შვედთან მუშაობა,ახალ უკვე ჩემპიონთა ლიგაზე.
გასულ სეზონში "იუნაიტედმა" პრემიერ ლიგა მე-6 პოზიციაზე დაასრულა, მაგრამ მან მოახერხა ევროპა ლიგის ფინალში გასვლა, რაშიც ზლატანს დიდი წვლილი მიუძღვის. "მანჩესტერ იუნაიტედმა" ფინალში ამსტერდამის "აიაქსი" ანგარიშით 2:0 დაამარცხა და ამის შემდეგ მოიპოვა ევროპის ყველაზე პრესტიჟული ტურნირის საგზური.