FIFA-მ წლის საუკეთესო მწვრთნელის 12 კანდიდატი დაასახელა, რომელთა შორისაც "მანჩესტერ იუნაიტედის" მწვრთნელი, ჟოზე მოურინიოც მოხვდა. პორტუგალიელმა გასულ სეზონში 3 ტიტულის მოპოვება შეძლო, მათ შორის ევროპის ლიგისაც, რომლის წყალობითაც "წითელი ეშმაკები" ევროპის ყველაზე პრესტიჟულ ტურნირს, ჩემპიონთა ლიგას დაუბრუნდნენ.

გამოკითხვის შედეგად დასახელდება სამი საუკეთესო, რომელსაც გულშემატკივრები, ჟურნალისტები, ეროვნული ნაკრების მწვრთნელები და კაპიტნები აირჩევენ. გამოკითხვა 21 აგვისტოს დაიწყება და 7 სექტემბერს დასრულდება.

FIFA-ს წლის საუკეთესო მწვრთნელის ჯილდოზე წარდგენილი 12 მწვრთნელი

მასიმილიანო ალეგრი ("იუვენტუსი")
კარლო ანჩელოტი ("ბაიერნი")
ანტონიო კონტე ("ჩელსი")
ლუის ენრიკე ("ბარსელონა")
პეპ გვარდიოლა ("მანჩესტერ სიტი")
ლეონარდო ჟარდიმი ("მონაკო")
იოახიმ ლიოვი (გერმანიის ნაკრები)
ჟოზე მოურინიო ("მანჩესტერ იუნაიტედი")
მაურისიო პოჩეტინო ("ტოტენჰემი")
დიეგო სიმეონე ("ატლეტიკო")
ტიტე (ბრაზილიის ნაკრები)
ზინედინ ზიდანი ("რეალ მადრიდი")