the Sun-ის მიერ გავრცელებული ინფორმაციის თანახმად, ტურინის "იუვენტუსი" "მანჩესტერ იუნაიტედის" ბელგიელი ნახევარმცველის, მარუან ფელაინის შეძენას შეეცდება.

ალეგრის მირალემ პიანიჩის გვერდით, მოედნის ცენტრში, ფიზიკურად ძლიერი მოთამაშე სჭირდება, იტალიელები ერთ-ერთ ასეთ ფეხბურთელად ფელაინის მოიაზრებენ. ტურინელები "იუნაიტედს" 29 წლის ბელგიელის სანაცვლოდ 22.5 მილიონ ფუნტს შესთავაზებენ.

ცოტა ხნის წინ თურქულმა გამოცემებმა გაავრცელეს ინფორმაცია იმის შესახებ, რომ "გალათასარაიმ" ბელგიელ ფეხბურთელთან პირადი კონტრაქტის დეტალები შეათანხმა და თუ თურქული კლუბის ხელმძღვანელები "იუნაიტედსაც" შეთანხმდებოდნენ, მაშინ ფელაინი "ოლდ ტრაფორდს" დატოვებდა, თუმცა მანჩესტერელთა მთავარმა მწვერთნელმა ბელგიელის გაშვება იუარა.

ჟოზე მოურინიომ "ვალერენგასთან" შეხვედრის შემდეგ განაცხადაბე, რომ მარუან ფელაინი კლუბს არ დატოვებს: "გალათასარაის" ჩემი შეძენა უფრო გაუადვილდება, ვიდრე ფელაინის. მარუანი ჩემთვის მნიშვნელოვანი ფეხბურთელია და არ არსებობს არანაირი შანსი იმისა, რომ ის კლუბს დატოვებს."

ბელგიელი ნახევარმცველი "მანჩესტერ იუნაიტედში" 2013 წლიდან ირიცხება. მის ანგარიშზე 134 შეხვედრა და 15 გოლია.