რამდენიმე წუთის წინ გავრცელდა ინფორმაცია, რომ "მანჩესტერ იუნაიტედმა" "ტოტენჰემი" უარით გაისტუმრა.
RMC იუწყება, რომ ლონდონელებმა ანტონი მარსიალის შეძენის თაობაზე "იუნაიტედს" ოფიციალური წინადადებით მიმართეს, თუმცა ეს წინადადება "წითელი ეშმაკების" მხრიდან მაშინვე უარით იქნა გასტუმრებული.
"ტოტენჰემს" ჯერჯერობით არც ერთი შენაძენი არ განუხორციელებია მიმდინარე სატრანსფერო ფანჯარაზე და შემადგენლობის გაძლიერებას ისინი ანტონი მარსიალის შეძენით შეეცადნენ, თუმცა როგორც გამოჩნდა ფრანგი ჟოზე მოურინიოს გეგმებში შედის, რადგანაც ეს უკვე მეორე შემთხვევაა, როცა "იუნაიტედი" მარსიალის გაშვებას არ თანხმდება. შეგახსენებთ, რომ პირველ შემთხვევაში "იუნაიტედმა" ფრანგის პერიშიჩის ტრანსფერში ჩართვაზე განაცხადა უარი.
"იუნაიტედმა" ანტონი მარსიალი 2015 წელს შეიძინა. კლუბთან ფრანგს კონტრაქტი 2019 წლამდე აკავშირებს.