"იუნაიტედმა" შესაძლოა ანტონი მარსიალი ივან პერიშიჩის ტრანსფერში ჩართოს.
იტალიური Calciomercato იტყობინება, რომ მილანელები მზად არიან ხორვატის გასაშვებად, ოღონდ იმ შემთხვევაში თუ სანაცვლოდ თანხასთან ერთად ანტონი მარსიალსაც მიიღებენ. ლაპარაკია იჯარაზე, ამასთან არანაირი გამოსყიდვის უფლება "ინტერს" არ ექნება, იჯარის დროის გასვლის შემდეგ ფრანგი კვლავ "იუნაიტედში" დაბრუნდება.
გამოცემა ასევე ავრცელებს ინფორმაციას, რომ მარსიალი მზადაა იტალიაში გადასასვლელად, რადგანაც მას იქ ძალების მოსინჯვა სურს. თავის მხრივ მოურინიოს არ სურს მარსიალის გაშვება, მაგრამ იტალიური მხარე იმედოვნებს, რომ პორტუგალიელი ახალგაზრდა ფრანგის გაშვებას ბოლოს მაინც დათანხმდება, რადგანაც პერიშიჩის შეძენის სურვილი დიდია.