კლუბი 1913 წელს დაარსდა. არსებობის ისტორიაში 5-ჯერ მოახერხა ნორვეგიის ჩემპიონატის, ხოლო 4-ჯერ ნორვეგიის თასის მოგება. გასულ სეზონში ჩემპიონატი მე-10 პოზიციაზე დაასრულა. მიმდინარე სეზონში კი 16 ტურის შემდეგ მე-7 პოზიციას იკავებს.

"ვალერენგას" ოფიციალური ფან-კლუბი 10 000 კაცისგან შედგება, ის ყველაზე დიდი ფან-კლუბია ნორვეგიაში. მისი სახელწოდებაა "კლანი", გულშემატკივრები ძალზედ გამოირჩევიან ვოკალური მონაცემებით. კლუბის საშინაო არენაა "ულლევოლი". ამ არენაზე მართავს თავის მატჩებს ნორვეგიის საფეხბურთო ეროვნული ნაკრებიც. მისი ტევადობა 25 000 კაცია.

2016 წლიდან კლუბს 41 წლის რონი დეილა ხელმძღვანელობს. ის ყოფილი ფეხბურთელია, რომელმაც კარიერის უდიდესი ნაწილი ნორვეგიულ "ოდში" გაატარა. მწვრთნელის რანგში 2009 წელს ნორვეგიის თასი, ხოლო 2013 წელს კი ჩემპიონატი მოიგო. "ვალერენგაში" "მანჩესტერ იუნაიტედის" 2 ყოფილი ფეხბურთელი თამაშობდა. ხენინგ ბერგი და რონი იონსენი, რომელიც 2005 წელს დაეხმარა "ვალერენგას" ისტორიაში პირველად გამხდარიყო ქვეყნის ჩემპიონი.

ჩემპიონატის ბოლო მატჩში "ვალერენგამ" სტუმრად "კრისტიანსუნდს" ფრედ 1:1 ეთამაშა.




"იუნაიტედი" მანჩესტერში 27 ივლისს დაბრუნდა. ამერიკაში კლუბმა 5 ამხანაგური მატჩი გამართა, მათგან 4 შეხვედრა მოიგო (Vs "გალაქსი" 5:2, Vs "რეალ სოლტ ლეიქი" 2:1, Vs "სიტი" 2:0, Vs "რეალი 1(2):1(1) , ხოლო ერთში კი მინიმალური სხვაობით დამარცხდა (Vs "ბარსელონა" 0:1).

როგორც მოურინიომ თქვა "ვალერენგასთან" მატჩში შესაძლოა თამაში შეძლონ ხუან მატამ და ანდერ ერერამ. ლუკ შოუ, მარკოს როხო და ეშლი იანგი კვლავ ლაზარეთში იმყოფებიან.

"იუნაიტედის" სრული შემადგენლობა: დავიდ დე ხეა, სერხიო რომერო, ჯოელ პერეირა, ვიქტორ ლინდელოფი,კრის სმოლინგი, ფილ ჯონსი, ერიკ ბაიი, ანტონიო ვალენსია, მატეო დარმიანი, ლუკ შოუ, აქსელ ტუანზება, ტიმოტი ფოსუ-მენსა, დეილი ბლინდი, მიტჩელი, ეშლი იანგი, მაიქლ ქერიქი, მარუან ფელაინი, ანდერ ერერა, პოლ პოგბა, ჯესი ლინგარდი, ანდრეას პერეირა, მაქთომი, ხუან მატა, მარკუს რაშფორდი, ანტონი მარსიალი,ჰენრიხ მხითარიანი, რომელუ ლუკაკუ.



"ვალერენგა" - "მანჩესტერ იუნაიტედი" 0:0 (ამხანაგური შეხვედრა, 2012 წელი)