ჟოზე "ბარსელონასთან" მატჩის შემდეგ ჟურნალისტებს გაესაუბრა.

პირველი ტაიმი საინტერესო გამოდგა. გულშემატკივრებიც გაერთნენ. მოგეწონათ გუნდის თამაში ?

"დიახ, გულშემატკივრებმა ისიამოვნეს. მათ მსოფლიოს საუკეთესო ფეხბურთელები იხილეს, ისეთები როგორიც მესი, ნეიმარი, პოგბა. ვფიქრობ პირველი ტაიმით ისინი კმაყოფილნი უნდა იყვნენ, რადგანაც მართალია ანგარიში 1:0 იყო, მაგრამ თავისუფლად შეიძლებოდა პირველი ტაიმის შემდეგ მათ ტაბლოზე სხვა ციფრები ეხილათ, რადგან გუნდებს ბევრი მომენტი ჰქონდათ."

"მეორე ტაიმში მათ ბევრი შეცვლა განახორციელეს, ფეხბურთელები ჩვენც შევცვალეთ, მაგრამ უნდა ითქვას რომ გუნდები შედეგისთვის იბრძოდნენ, მიუხედავად იმისა, რომ ამხანაგური მატჩია და შედეგი მთავარი არ არის. ჩვენ ანგარიშის გათანაბრებას ვცდილობდით, ისინი კი ბურთს კარგად აკონტროლებდნენ და თავსაც კარგად იცავდნენ. მეორე ტაიმიდანაც პოზიტიური შთაბეჭდილებები დამრჩა."

როგორ ფიქრობთ, ახალ ფეხბურთელებთან ერთად რა დონეზე იმყოფება ახლა "მანჩესტერ იუნაიტედი" ?

"თუ თქვენ ჩემს ფეხბურთელებს "რეალის" ან "ბარსას" ფეხბურთელებს ადრით მაშინ აქ დასკვნის გაკეთება მარტივია, ფეხბურთელების დონე საერთოდ განსხვავდება. მაგრამ ჩვენ სხვადასხვა ჩემპიონატში ვთამაშობთ და ერთმანეთთან შეხვედრა მხოლოდ ევროთასებზე შეგვიძლია, ამიტომ ჩემთვის მისაღებია თუ ჩემს გუნდს პრემიერ ლიგაში მონაწილე გუნდთან შევადარებ. ესპანეთის ჩემპიონატი რთულია, მაგრამ იგი განსხვავდება ინგლისის ჩემპიონატისგან დონით, ფეხბურთელების ხარისხით. ესპანეთში საუკეთესო ფეხბურთელები ამ ორ გუნდშია თავმოყრილი, ეს რეალობაა და უნდა ვაღიაროთ. ჩვენთვის ძალიან კარგი იყო მათთან თამაში, რადგანაც აქ არ იყო მთავარი შედეგი და ფეხბურთელებმა კარგი ტესტი გაიარეს."

რატომ არ ათამაშეთ დაცვაში ბაიი - ლინდელოფის წყვილი ?

"ამას რამდენიმე დღეში გაიგებთ, რადგანაც ბაიის ევროთასებზე ორმატჩიანი დისკვალიფიკაცია აქვს. სწორედ ამიტომ ითამაშა დღეს ლინდელოფი - სმოლინგის წყვილმა."

თქვენ "რეალის" და "ბარსელონას" სათამაშო დონე ახსენეთ. როგორ ფიქრობთ, დიდია თქვენ შორის განსხვავება ?

"მათ ჰყავთ მესი, ნეიმარი, ასევე სუარესი, კროოსი, მოდრიჩი, რონალდუ, ბეილი, პიკე, რამოსი. ჩვენ არ შეგვიძლია ასეთი ფეხბურთელების შეძენა, რადგანაც ისინი უკვე თამაშობენ საკუთარ გუნდებში. შენ შეგიძლია გააძლიერო გუნდი ტაქტიკურად, ეცადო მიიღო ფეხბურთელებისგან მაქსიმუმი, მაგრამ უბრალოდ იბადებიან ასეთი განსაკუთრებული ფეხბურთელები, რომლებიც სხვა გუნდს ირჩევენ და ამას შენ ვერ შეცვლი. შენ მათ კომპენსირებას ტაქტიკის და ორგანიზაციის ხარჯზე ცდილობ. ჩვენ რა თქმა უნდა შეგვიძლია იგივე "რეალის", იგივე "ბარსელონას" დამარცხება, ფეხბურთში შეუძლებელი არაფერია და გუნდს ყოველთვის შეუძლია ინდივიდუალისტების დამარცხება, მაგრამ ამ ინდივიდუალისტების დონე მოედანზე მაინც სჩანს და ახდენს შედეგზე გავლენას. დღეს მე "ბარსას" მოწინააღმდეგე ვიყავი, მაგრამ უბრალოდ მსიამოვნებდა, თუ როგორ ათამაშებდნენ ისინი ბურთს. ბოლოს უნდა აღვნიშნო, რომ ჩემი ფეხბურთელებიდან ერთ-ერთმა აჩვენა ისეთივე დონე, როგორზეც ისინი არიან და ეს პოლ პოგბა იყო."

წყარო:MANUTD.COM