რომელუ ლუკაკუმ Sky Sports მოკლე ინტერვიუ მისცა.

მსგავსება დიდიე დროგბასთან და პირადი ამბიციები

"მე მისგან განვსხვავდები. დიახ, ჩვენ ვგავართ ერთმანეთს ფიზიკური მონაცემებით, მაგრამ განსხვავებული ტიპის ფეხბურთელები ვართ. მე რომელუ ლუკაკუ ვარ, საკუთარი ისტორიის დაწერა მსურს "მანჩესტერ იუნაიტედში".

"ვარ თუ არა რონალდუს ან ლევანდოვსკის დონის ფეხბურთელი ? ჯერ მათგან შორს ვარ, მაგრამ ჩემი მიზანი სწორედ ასეთ დონეზე თამაშია. ბევრი რამ დამოკიდებულია გუნდზეც. მინდა რომ გუნდმა ბევრი ტიტული მოიგოს და ამისთვის ყველაფერს გავაკეთებ."

"ყოველ ადამიანს სურს იყოს სრულყოფილი. გამონაკლისი არც მე ვარ, მინდა იმდენად სრულყოფილი ვიყო რამდენადაც შესაძლებელია. 24 წლის ვარ და რა თქმა უნდა ყველაფერი წინაა, თუმცა იმის თქმაც არ იქნებოდა სწორი რომ განვითარების დასაწყისში ვარ. ფეხბურთს უკვე დიდი ხანია ვთამაშობ. წინ ბევრი მუშაობა მელის და ამისთვის მზად ვარ."

ლუკაკუმ ასევე განაცხადა, რომ მის ტრანსფერში მთავარი როლი მოურინიომ ითამაშა.

"მე და პოგბა უბრალოდ არდადეგებს ვატარებდით ერთად. გადაწყვეტილება თვითონ მივიღე, მაგრამ მოურინიომ ამ გადაწყვეტილებაში დიდი როლი ითამაშა. მან დამარწმუნა რომ ვჭირდებოდი და მის გუნდში ერთ-ერთი მთავარი ფიგურა ვიქნებოდი. მან მომცა შანსი და მე ამის გამო ძალზედ ბედნიერი ვარ. ახლა "მანჩესტერ იუნაიტედის" ფეხბურთელი ვარ და ეს სწორედ ისაა რასაც დიდი ხნის განმავლობაში ველოდი."

წყარო:Sky Sports