"პსჟ"-ს მთავარმა მწვრთნელმა უნაი ემერიმ დაადასტურა, რომ აფრიკელ ფეხბურთელს გუნდის დატოვება სურს. "მან მითხრა რომ გუნდიდან წასვლა სურს. ამიტომ ახლა ის პარიზშია და ახალ გუნდში გადასასვლელად ემზადება" - განაცხადა დღეს ფრანგული კლუბის ესპანელმა თავკაცმა.
შეგახსენებთ, რომ რამდენიმე დღის წინ გავრცელებული ინფორმაციით ორიეს შეძენით "მანჩესტერ იუნაიტედი" იყო დაინტერესებული. ინგლისელები მზად იყვნენ მის სანაცვლოდ 25 მილიონი ევრო გაეღოთ. როგორც ცნობილი ხდება ფეხბურთელი გუნდს ტოვებს, მაგრამ ჯერჯერობით უცნობია თუ სად გააგრძელებს იგი კარიერას.