"მანჩესტერ სიტისთვის" ეს პირველი ამხანაგური მატჩი იქნება ახალ სეზონში. საერთო ჯამში ისინი სულ 4 შეხვედრას ჩაატარებენ რის შემდეგაც გუნდი მანჩესტერში დაბრუნდება და პრემიერ ლიგის პირველი ტურის მატჩისთვის მოემზადება. გუნდს ამერიკაში თან გაჰყვებიან ახალწვეულები, მეკარე ედერსონი და მარჯვენა განაპირა მცველი კაილ უოლკერი. ბერნარდუ სილვა გუნდს მოგვიანებით შეუერთდება, კონფედერაციის თასის გამო ის კვლავ არდადეგებზე იმყოფება.




"იუნაიტედი" ამერიკაში 9 ივლისს ჩავიდა. მოურინიოსა და სამწვრთნელო შტაბთან ერთად გუნდს 27 ფეხბურთელი გაჰყვა. ამერიკაში კი მათ პოლ პოგბა და რომელუ ლუკაკუ შეუერთდა.

პირველ ამხანაგურ მატჩში მოურინიოს შერგიდებმა "ლოს-ანჯელეს გალაქსი" დაამარცხეს ანგარიშით 5:2, მეორე ამხანაგურ შეხვედრაში კი მათ 2:1 დაამარცხეს "რეალ სოლტ ლეიქი". აღსაღნიშნავია რომ გამარჯვება "იუნაიტედს" ლუკაკუს სადებიუტო გოლით ხვდა წილად.

კარებში ამ შეხვედრაში დე ხეა - რომეროს წყვილს ვიხილავთ. ამასთანავე ვიცით ისიც, რომ ფეხბურთელებს უკვე 60+30 წუთის ინტერვალებით მიეცემათ სათამაშო დრო.

რაც შეეხება ტრავმებს, ხვალ თამაში უნდა შეძლოს მატეო დარმიანმა. ხუან მატას ტრავმა თუმცა კი სერიოზული არ არის, მაგრამ ის გუნდს სავარაუდოდ 1 კვირის განმავლობაში ვერ დაეხმარება.

"იუნაიტედის" სრული შემადგენლობა: დავიდ დე ხეა, სერხიო რომერო, ჯოელ პერეირა, ვიქტორ ლინდელოფი,კრის სმოლინგი, ფილ ჯონსი, ერიკ ბაიი, ანტონიო ვალენსია, მატეო დარმიანი, ლუკ შოუ, აქსელ ტუანზება, ტიმოტი ფოსუ-მენსა, დეილი ბლინდი, მიტჩელი, ეშლი იანგი, მაიქლ ქერიქი, მარუან ფელაინი, ანდერ ერერა, პოლ პოგბა, ჯესი ლინგარდი, ანდრეას პერეირა, მაქთომი, ხუან მატა, მარკუს რაშფორდი, ანტონი მარსიალი,ჰენრიხ მხითარიანი, რომელუ ლუკაკუ.



ეს იქნება პირველი მანჩესტერული დერბი, რომელიც დიდი ბრიტანეთის საზღვრებს გარეთ ჩატარდება. ეს გუნდები ერთმანეთს გასულ წელს ჩინეთშიც უნდა შეხვედროდენ, მაგრამ მაშინ ეს შეხვედრა ჩაიშალა.

დერბი საერთაშორისო ჩემპიონთა თასის ფორმატში გაიმართება, ეს ის შეჯიბრებაა რომელშიც "იუნაიტედმა" 2014 წელს გაიმარჯვა ლუი ვან გაალის ხელმძღვანელობით. გუნდები მოედანზე გამოვლენ ფორმით, რომელზედაც ფუტკარი იქნება გამოსახული. ეს ყველაფერი იმიტომ, რომ ფუტკარი მანჩესტერის სიმბოლოა და ამით გუნდები კიდევ ერთხელ მიაგებენ პატივს მანჩესტერში დაღუპულთა ხსოვნას.

საერთო ჯამში ყველა ტურნირზე გუნდებს შორის 173 შეხვედრა გაიმართა. "სიტის" ანგარიშზე 50 გამარჯვებაა, "იუნაიტედის" ანგარიშზე კი 71, 52 შეხვედრა კი ფრედ დასრულდა.



"მანჩესტერ სიტი" - "მანჩესტერ იუნაიტედი" 0:0

27 აპრილი, 2017 წელი.

მსაჯი: მარტინ ატკინსონი.