ჟოზე მოურინიო ESPN -თან მიცემულ ინტერვიუში აცხადებს, რომ "იუნაიტედში" დიდი ხნით დარჩენაზე უარს არ იტყოდა.
"ამისთვის მზად ვარ. მზად ვარ 15 წლითაც კი დავრჩე, რატომაც არა ? თუმცა ვხვდები რომ ეს მარტივი არ არის. მენეჯერებზე დიდი წნეხია, ყველა გვეუბნება რომ აუცილებლად უნდა მოვიგოთ, მაგრამ საბოლოოდ ერთი ხდება გამარჯვებული. ყოველ ახალ სეზონში გამარჯვება უფრო რთულია."
"გუნდში დიდი ხნით იყო სერ ალექს ფერგიუსონი. ხალხი მიჩვეული იყო ამას, ისინი მიჩვეულნი იყვნენ ფერგის სტაბილურობას. მე ჩემს მეორე სეზონს ვიწყებ "იუნაიტედში" და ვიმედოვნებ გუნდს იმ სტაბილურობას მივცემ რაც მას სჭირდება. მაგრამ ვიმეორებ, ამას დიდი შრომა და დამსახურება სჭირდება, ამ დამსახურებისთვის კი მე ბევრს ვშრომობ"
"სერ ალექსის კარიერა უნიკალურია და მას ვერავინ გაიმეორებს. არსენ ვენგერი იქნება ბოლო ადამიანი, რომელიც ერთ გუნდში ამდენ ხანს დარჩება. მე მსურს და ვმუშაობ იმისთვის რომ ამ გუნდში დიდი ხნით დავრჩე, მაგრამ ყველაფერი მარტივია, შენ გაქვს წარმატება - რჩები, არ გაქვს წარმატება - ტოვებ გუნდს."