პრესაში გავრცელებული ინფორმაციით, "მანჩესტერ იუნაიტედი" დაინტერსებულია აფრიკელი მარჯვენა მცველის სერჟ ორიეს შეძენით, რომელიც დიდი ალბათობით ამ ზაფხულს პარიზულ კლუბს დატოვებს. მის წასვლას პსჟ-დან კიდევ უფრო რეალურს ის ფაქტი ხდის, რომ იგი ფრანგულ კლუბს ამერიკის შეერთებულ შტატებში არ გაჰყვა, სადაც მისი გუნდი წინა სასეზონე მომზადებას გადის.

ფრანგული L'Equipe-ის ცნობით, ორიეს შეძენისათვის პრეტენზიას "მანჩესტერ იუნაიტედი" აცხადებს და არაა გამორიცხული 24 წლის მცველმა კარიერა "ოლდ ტრაფორდზე" გააგრძელოს. "წითელმა ეშმაკებმა" ამ ზაფხულს უკვე გაიფორმეს ვიქტორ ლინდელოფი და რომელუ ლუკაკუ, თუმცა ჟოზეს მოურინიოს განცხადებით "იუნაიტედი" შვედზე და ბელგიელზე, არ აპირებს გაჩერებას და კლუბი მინიმუმ ორ ახალ ფეხბურთელს აუცილებლად დაიმატებს. ამავე წყაროზე დაყრდნობით, ორიეს ფასი £17.5 მილიონიდან - £21 მილონამდე მერყეობს.

წყარო: Express