Sky Italia ავრცელებს ინფორმაციას, რომლის თანახმად მილანელებს ფრანგის შეძენა სურთ. კერძოდ, "ინტერი" დაინტერესებულია რომ მარსიალი ივან პერიშიჩის ტრანსფერში იქნას ჩართული.
დღეს "ინტერის" ერთ-ერთმა დირექტორმა, ვალტერ საბატინიმ დაადასტურა მანჩესტერის პერიშიჩისადმი ინტერესი. მან აღნიშნა რომ ინგლისური გუნდი ხორვატისადმი დიდ ინტერესს იჩენს. გუნდს სურს, რომ პერიშიჩი დარჩეს, მაგრამ ისინი აუცილებლად გაითვალისწინებენ ფეხბურთელის მონდომებასა და სურვილს. საბატინიმ ასევე აღნიშნა კიდეც, რომ შესაძლებელი იყო ფეხბურთელების გაცვლაც. როგორც ჩანს მას სწორედ მარსიალი ჰყავდა მხედველობაში.
შეგახსენებთ, რომ პერიშიჩის სახელს "იუნაიტედს" უკვე დიდი ხანია რაც უკავშირებენ. გავრცელებული ხმებით ფეხბურთელს "იუნაიტედთან" პირადი კონტრაქტი უკვე შეთანხმებული აქვს, თუმცა ვერ ხერხდება შეთანხმების მიღწევა "იუნაიტედსა" და "ინტერს" შორის. მილანური გუნდი ხორვატში 50 მილიონ ევროს ითხოვს რაზედაც "იუნაიტედი" უარს აცხადებს.