ნემანია მატიჩი "ჩელსის" წინასასეზონო ტურნეზე არ გაჰყვება.
Telegraph -ის ჟურნალისტი მეტ ლოუ ავრცელებს ინფორმაციას, რომ ნემანია მატიჩი დიეგო კოშტას ბედს გაიზიარებს და წინასასეზონო ტურნის განაცხადს მიღმა დარჩება. ანტონიო კონტე მთელი ზაფხულის განმავლობაში გეგმავდა ახალგაზრდა ფრანგის,ტიმო ბაკაიოკოს მოყვანას და როგორც ყველასთვის ცნობილია კონტე ამ ფეხბურთელს სულ მალე დაიმატებს, რადგანაც ფრანგი ლონდონშია და სამედიცინო შემოწმების გავლისთვის ემზადება.
მატიჩის განაცხადს მიღმა დატოვებით კონტემ პირდაპირ მიუთითა იმაზე, რომ სერბი მის გეგმებში აღარ შედის. ამასთან დიდია იმის ალბათობა, რომ მატიჩი ამ უქმე დღეებში ოფიციალურად გაიფორმებს "ჩელსიდან" წასვლას.
ჯერჯერობით უცნობია თუ სად გააგრძელებს სერბი კარიერას. "მანჩესტერ იუნაიტედი" ფეხბურთელის შეძენის ერთ-ერთ მთავარ კანდიდატად მოიაზრებოდა, თუმცა ლუკაკუს ტრანსფერის შემდეგ "ჩელსიმ" მტკიცედ გადაწყვიტა მატიჩის საზღვარგარეთ გაშვება. ლონდონური კლუბი "იუვენტუსიდან" ალექს სანდროს დამატებითაა დაინტერესებული და ხელმძღვანელობა მზადაა ბრაზილიელის ტრანსფერში მატიჩიც ჩართოს. თავის მხრივ, უნდა აღვნიშნოთ რომ მატიჩისადმი "იუვენტუსის" ინტერესი იტალიელმა ჯანლუკა დი მარციომაც დაადასტურა. დავამატებთ, რომ ფეხბურთელით ასევე დიდ ინტერესს იჩენს მილანის "ინტერი".
ნემანია მატიჩი "ჩელსის" 2014 წელს მოურინიოს ხელმძღვანელობისას შეუერთდა. სერბმა "ჩელსისთან" ერთად ორჯერ მოახერხა პრემიერ ლიგის მოგება.