რამდენიმე დღის წინ ისეთმა ბრიტანულმა სპორტულმა გამოცემებმა, როგორებიცაა The Sun, Daily Mirror და Times გაავრცელეს ინფორმაცია თითქოს "იუნაიტედი" ტიმო ბაკაიოკოს შეძენას ეცდებოდა.

"მანჩესტერს" ჩამშლელი ნახევარმცველის პოზიციაზე აუცილებლად ესაჭიროება ფეხბურთელი და ბუნებრივია, რომ პრესამ ფრანგის სახელი დაუკავშირა "იუნაიტედს", მაგრამ როგორც Sky Sports იტყობინება "იუნაიტედი" ბაკაიკოს შეძენით არ არის დაინტერესებული.

არ შეესაბამება სიმართლეს ინფორმაცია იმის თაობაზე, რომ თითქოს "მანჩესტერმა" ფრანგს შეთავაზება გაუკეთა და ისინი მზად არიან "ჩელსის" მეორე მთავარი სამიზნეც წაართვან.

თითქმის გადაწყვეტილია, რომ ფრანგი კარიერას "სტემფორდ ბრიჯზე" გააგრძელებს. მას მუხლის ტრავმა ჰქონდა და ამიტომაც გაიწელა მისი ტრანსფერი. ახლა ის გამოჯანმრთელდა და რამდენიმე დღეში სამედიცინო შემოწმების გავლის შემდეგ ის ლონდონის "ჩელსის" ფეხბურთელი გახდება.

წყარო:Sky Sports