როგორც L’Equipe იტყობინება, "მონაკოს" ბრაზილიელმა ნახევარმცველმა ფაბინიომ გუნდიდან წასვლა ითხოვა. 23 წლის ბრაზილიელი ისეთი კლუბების სამიზნეა, როგორებიც არიან უპირველესყოვლისა "მანჩესტერ იუნაიტედი" "სიტი" და პსჟ. თავად ფეხბურთელი განვლილი 4 სეზონის შემდეგ ფიქრობს, რომ დროა უკვე უფრო ძლიერ კლუბში მოსინჯოს ძალები.

ცოტა ხსნის წინ Le Parisen-მა გაავრცელა ინფორმაცია იმის შესახებ, რომ პარიზელებმა ფაბინიოს სანაცვლად "მონაკოს" 45 მილიონი ევრო შესთავაზეს, თუმცა ეს შეთავაზება უარით იქნა გასტუმრებული.

შეგახსენებთ, რომ ფაბინიო მადრიდის "რეალში" ირიცხებოდა და მისი დებიუტი მადრიდულ გუნდში სწორედ ჟოზე მოურინიოს ხელმძღვანელობის დროს შედგა. ამასთან გაგახსენებთ ფაბინიოს თებერვალში მიცემულ ინტერვიუს, სადაც ის საუბრობს, რომ "იუნაიტედში" თამაში მისი ოცნებაა და მოხარული იქნებოდა თუ ერთ დღესაც "ოლდ ტრაფორდზე" შეძლებდა ასპარეზობას.

2016/17 წლის სეზონში 49 მატჩში ფაბინიოს ანგარიშზე 10 გოლი და 4 საგოლე გადაცემაა.