რენატო სანჩესი გასული წლის ერთ-ერთი მთავარი აღმოჩენა იყო. ახალგაზრდა პორტუგალიელის სახელს აქტიურად უკავშირებდნენ "იუნაიტედს", თუმცა საბოლოოდ ფეხბურთელი მიუნხენის "ბავარიამ" შეიძინა.

გერმანიაში გადაბარგების შემდეგ პორტუგალიელს რთული დრო დაუდგა. სანჩესი ვერაფრით ხვდებოდა "ბავარიელთა" ძირითად შემადგენლობაში. მას მცირე სათამაშო დრო ეძლეოდა. სწორედ ეს მცირე სათამაშო დრო სახელდება იმ მიზეზად, რის გამოც პორტუგალიელს "ბავარიის" დატოვება სურს.

როგორც Calciomercato იტყობინება მისი შეძენის მთავარი კანდიდატი "მანჩესტერ იუნაიტედია". ინგლისელებს სანჩესის შესაძენად £25-30 მილიონის გადახდა მოუწევთ.

საქმე იმაშია, რომ პორტუგალიელის დიდი გულშემატკივარია ჟოზე მოურინიო. მან კიდეც აღნიშნა, რომ "იუნაიტედში" ადრე მისვლის შემთხვევაში ის აუცილებლად შეიძენდა სანჩესს. როგორც ჩანს მოურინიო ახალგაზრდა ტალანტის შეძენით კვლავ დაინტერესებულია და მაქსიმალურად შეეცდება მის "ოლდ ტრაფორდზე" გადაბირებას.

წყარო:M.E.N