ალექსანდრ ლაკაზეტი ალვარო მორატასა და ანდრეა ბელოტისთან ერთად "იუნაიტედის" ერთ-ერთ მთავარ სამიზნედ ითვლებოდა ფორვარდის პოზიციაზე.

როგორც ჩანს მისი კანდიდატურა სამიზნეთა სიას გამოაკლდება, რადგანაც როგორც Sky Sports იტყობინება ფრანგის შეძენაში მთავარი ფავორიტი ლონდონის "არსენალია".

"არსენალი" მზადაა ლაკაზეტის სანაცვლოდ "ლიონს" £45 მილიონი და ბონუსები შესთავაზოს. "ლიონი" კი თავის მხრივ ამ თანხაზე თანახმაა.

ლაკაზეტის გადასვლა "ატლეტიკო მადრიდში" იგეგმებოდა, თუმცა მადრიდებელს ხელს სატრანსფერო ბანი უშლის. სწორედ ამიტომ მადრიდთან ტრანსფერი ჩაიშალა და "ლიონის" თანხმობის შემთხვევაში ფრანგი კარიერას "ემირატებზე" გააგრძელებს.

წყარო: Sky Sports