ბრაზილიელი შემტევი ლუკას მოურას განცხადბით მას ჯერჯერობით შეთავაზებები არ აქვს, მაგრამ საინტერესო შეთავაზების შემთხვევაში მზადაა პარიზული კლუბი დატოვოს. ლუკას მოურას წარსულიში აქტიურად უკავშირებდნენ "ლივერპულსა" და "მანჩესტერ იუნაიტედს".

ბრაზილიელმა ვინგერმა საფრანგეთის დედაქალაქში უკვე ხუთი წელი დაჰყო, მოურა პარიზელებს 2012 წელს "საო პაულოდან" შეუერთდა, ამ ხნის განმავლობაში 24 წლის შემტევმა პარიზელთა კლუბის მაისურით 200-ზე მეტი შეხვედრა ჩაატრა, ამ შეხვედრებიდან 2016-17 წლების სეზონზე 52 მატჩი მოდის.

მიუხედავად იმისა, რომ ლუკასის კონკურენტი პარიზულ კლუბში იულიან დრაქსლერია იგი ამ სეზონში "პარის სენ-ჟერმენის" ძირითადი შემადგენლობის წევრად ჩამოყალიბდა, თუმცა ლუკასი აღიარებს, რომ მას შეუძლია დატოვოს ფრანგული კლუბი და მზადაა სათანადო შემოთავაზების შემთხვევაში განიხილოს იგი.

Diario De Sao Paulo-სთან მიცემულ ინტერვიუში ლუკასმა განაცხადა:"ყოველ სატრანსფეო ფანჯარაზე ჩემს მომავალთან დაკავშირებით ბევრი ჭორი ვრცელდება. ყოფილა თუ არა, რომელიმე კლუბისგან კონკრეტული შემოთავაზება? არა. ჩემს აგეტნს არავინ არ დაკავშირებია. ფრანგებთან კონტრაქტი 2020 წლამდე მაკავშირებს, მაგრამ თუ რაიმე საინტერესო შემოთავაზება მექნება, ჩვენ დავსხდებით და განვიხილავთ მას".

ლუკასმა სამშობლოში დაბრუნება ამ ეტაპზე გამორიცხა."ბრაზილიაში კარიერის გაგრძელებას ამ ეტაპზე არ ვაპირებ, მე ჯერ ევროპაში მიზნები მაქვს, რის მიხწევასაც სამომავლოდ ვაპირებ. კიდევ ერთი ევროპული კლუბისათვის პსჟ-ს დატოვება ჩემთვის შესაძლებელია, მაგრამ მე კონტრაქტი მაკავშირებს კლუბთან, თუ რაიმე საინტერესო შემოთავაზება მექნება, ჩემს ამჟამინდელ კლუბთან ერთად, მას აუცილებლად განვხილავ".

წყარო:Goal