ამ კვირაში "წითელმა ეშმაკებმა" "ბენფიკას" ცენტრალური მცველის გაფორმება მოახერხეს, რომელსაც ერთ-ერთ მთავარ კანდიდატად მოიაზრებენ დაცვის ცენტრში ერიკ ბაის გვერდით. გარდა ამისა "იუნაიტედს" კიდევ ჰყავს სხვა ალტერნატივა მარკოს როხოსა და ფილ ჯონსის სახით. ბრიტანული პრესა კი დარწმუნებულია, რომ კრის სმოლინგს, აუცილებლად მოუწევს გუნდის დატოვება.
როგორც Daily Mail-ი, იტყობინება, ამ სიტუაციის გამოყენებას შეეცდება მაურისიო პაჩეტინო, "ტოტენჰემის" მთავარი მწვრთნელი, რომელსაც სჭირდება დააზღვიოს თავისი ცენტრალური მცველები რთული სეზონის მოლოდინში.
გარდა ამისა, კრის სმოლინგის ჩართვა შეიძლება ტრანსფერში, რადგან "იუნაიტედს" აქვს საპასუხო ინტერესი ერიკ დაიერის მიმართ. "ტოტენჰემი" კი ამ უკანასკნელს 50 მილიონ ფუნტად აფასებს. სმოლინგით სხვა ბრიტანული კლუბებიც არიან დაინტერესებული, ერთ-ერთი მათგანი კი ლონდონის "არსენალია".