მსოფლიოს ცნობილი მედია წარმომადგენლები პორტუგალიელზე გავრცელებულ ინფორმაციას ადასტურებენ.
მადრიდის "რეალის" სუპერვარსკვლავი ბრალდების წაყენების შემდეგ გაბრაზებულია და ბი-ბი-სის წყაროების ცნობით, კლუბის დატოვება სურს.
ესპანურმა პროკურატურამ 32 წლის ფეხბურთელს მილიონობით ევროს დამალვაში დასდო ბრალი, რაც ფეხბურთელმა უარყო.
წყარო: "ფიქრობს, რომ სინდისი სუფთა აქვს და ყველაფერს სწორად აკეთებდა. ძალიან მოწყენილი და გაბრაზებულია. ესპანეთში დარჩენა არ სურს. ამჟამად წასვლა უნდა".
"რეალში" მისი კონტრაქტი გამოსასყიდ თანხად 1 მილიარდ ევროს ისახავს, რაც 874.88 მლნ. ფუნტის ოდენობისაა.
"მანჩესტერ იუნაიტედიდან" 2009 წელს 80 მილიონ ფუნტად "რეალში" გადასულმა ფეხბურთელმა 2016 წლის ნოემბერში ჩემპიონთა ლიგის გამარჯვებულებთან 5-წლიანი კონტრაქტი გააფორმა.
ჩინეთში გადასვლა ერთ-ერთი ვარიანტია, მაგრამ ფეხბურთელის მრჩეველი რონალდუს ევროპაში დარჩენას ურჩევს, ყველაზე მეტად კი "პარი სენ-ჟერმენსა" და პრემიერ ლიგაში.
მადრიდულმა კლუბმა თავის ოფიციალურ ვებ-გვერდზე გაავრცელა განცხადება, რომელშიც მხარს უჭერს რონალდუს და იმედს გამოთქვამს, რომ ფეხბურთელის თავის უდანაშაულობას დაამტკიცებს.
წყარო:
bbc