ალვარო მორატა და "მანჩესტერ იუნაიტედი" ევროპული პრესის მთავარი სალაპარაკო თემაა. უამრავი გამოცემა წერს იმის შესახებ, რომ ტრანსფერის განხორციელებას ხელს აღარაფერი აღარ უშლის. უფრო მეტიც, დაითქვა დღე როდესაც მორატა მანჩესტერში ჩაფრინდებოდა და კონტრაქტს მოაწერდა ხელს. ეს ყველაფერი დღეს უნდა მომხდარიყო, მაგრამ უდიდესი ალბათობით ტრანსფერი დღეს არ გაოფიციალურდება.

იტალიური პრესის თანახმად გუნდები საბოლოოდ არიან შეთანხმებულნი იმაზე, რომ ესპანელი ინგლისში £60 მილიონის სანაცვლოდ გადავა. ესპანური მედია კი იუწყება, რომ მოლაპარაკებები კვლავ მიმდინარეობს. გუნდების ოფიციალური წარმომადგენლები დღეს კვლავ უნდა შეხვდნენ ერთმანეთს. ტრანსფერის საბოლოოდ დასრულებას მხოლოდ £3–4 მილიონი ფუნტი აშორებს. თუ გუნდები ამ საბოლოო თანხაზე შეთანხმდებიან, მორატა აუცილებლად გახდება "იუნაიტედის" ფეხბურთელი.

წყარო:M.E.N