10 ივნისის ყველაზე მნიშვნელოვანი სიახლეები შემდეგნაირად გამოიყურება:

1. "მანჩესტერ იუნაიტედმა" ლისაბონის "ბენფიკასთან" საბოლოოდ მიაღწია შეთანხმებას, რის შედეგადაც ვიქტორ ლინდელოფი "იუნაიტედის" ფეხბურთელი გახდება.

წყარო:Manutd.com

2. "რეალ მადრიდსა" და "მანჩესტერ იუნაიტედს" შორის მორატას თაობაზე შეთანხმება მიღწეულია. ესპანელი "იუნაიტედს" €70 მილიონის სანაცვლოდ შეუერთდება და კლუბთან 4 წლიან კონტრაქტს მოაწერს ხელს.

წყარო:BeIn Sports

3. ზლატან იბრაჰიმოვიჩი კარიერას "ლოს-ანჯელეს გალაქსში" გააგრძელებს. სარეაბილიტაციო კურსს ის კალიფორნიაში გაივლის. შეგახსენებთ, რომ MLS-ის სეზონი მარტში განახლდება, ამ დროისთვის კი ზლატანს მოედანზე დაბრუნებაც შეეძლება.

წყარო:Marca

4. მიუხედავად იმისა, რომ "იუნაიტედი" შვედს შეიძენს, მანჩესტერული კლუბი მაინცაა დაინტერესებული მაიკლ კინით.

წყარო:Sky Sports

5. "იუნაიტედის" ერთ-ერთი სამიზნე, ტიმო ბაკაიოკო დიდი ალბათობით კარიერას ლონდონის "ჩელსიში" გააგრძელებს. ახალგაზრდა ფრანგი მოიაზრებოდა მანჩესტერელთა ნახევარდაცვის მომავალ ვარსკვლავად, მაგრამ როგორც ჩანს £35 მილიონის სანაცვლოდ ის "სტემფორდ ბრიჯზე" იასპარეზებს.

წყარო:M.E.N

6. "მანჩესტერ იუნაიტედი" სინამდვილეში სულაც არ აპირებს მშვიდად ყოფნას და ის ამ სატრანსფერო ფანჯარაზე £600 მილიონს დახარჯავს.

წყარო:M.E.N