რომის "ლაციოს" ბრაზილიელი ნახევარმცველი ფელიპე ანდერსონი უკვე დიდი ხანია, რაც "იუნაიტედის" რადარზე იმყოფება. ბრაზილიელის შეძენა "იუნაიტედს" განსაკუთრებით ლუი ვან გაალის დროს სურდა, თუმცა ტრანსფერი დღემდე არ განხორციელებულა.
ფელიპე ანდერსონმა იტალიაში მართლაც დიდი პროგრესი განიცადა და ახლა ის უკვე "ლაციოს" ერთ-ერთი ლიდერია. Sport Tv - სთან საუბარში კი მან განაცხადა, რომ უკვე მზადაა ახალი გამოწვევებისთვის, ამასთან დასძინა რომ "მანჩესტერ იუნაიტედში" თამაში ყოველთვის იყო მისი ოცნება.
"ყოველი ფეხბურთელი ოცნებობს ითამაშოს ისეთ გუნდში როგორიც "მანჩესტერ იუნაიტედია". რა თქმა უნდა გამონაკლისი არც მე ვარ, თუმცა დღეს მე "ლაციოს" ფეხბურთელი ვარ. ჯერ კიდევ ბევრი მაქვს სამუშაო, მაგრამ რა მოხდება მომავალში არავინ იცის."