"მანჩესტერ იუნაიტედი" დარწმუნებულია, რომ ალვარო მორატას შეიძენს და მადრიდის "რეალთან" მოლაპარაკებებს აგრძელებს, რასაც "სქაი სპორტსი" იტყობინება.

ამავე წყაროს ცნობით, მოლაპარაკებები არ შეიცავს დავიდ დე ხეას საპირისპირო მხარეს გადასვლას და შეთანხმების განვითარება წარმატებით მიმდინარეობს.

სქაი იტალიის ცნობით, სამშაბათს საღამოს ჩემპიონთა ლიგის გამარჯვებულებმა "იუნაიტედის" მხრიდან 52.4 მლნ. ფუნტის ოდენობის შეთავაზება უარყვეს და დაახლოებით 78 მილიონ ფუნტს ითხოვენ ესპანელის სანაცვლოდ.

მორატა "წითლების" ნომერ პირველი სატრასნფერო სამიზნე გახდა ფორვარდის პოზიციაზე, ვინაიდან მადრიდის "ატლეტიკოდან" ანტუან გრიზმანის გადაბირებას ვერ ახერხებენ ესპანური კლუბის სატრანსფერო აკრძალვის გამო.

"იუვენტუსში" გაყიდვიდან "რეალში" დაბრუნების შემდეგ მორატამ გასულ სეზონში 20 გოლი გაიტანა ყველა ტურნირზე და ეს იმის ფონზე, რომ მას მუდმივი სათამაშო პრაქტიკა არ ეძლეოდა.

თუ "იუნაიტედი" მორატას ვერ შეიძენს, ალტერნატიულ ვარიანტად ინგლისელები ანდრეა ბელოტის ისახავენ, რომლის სანაცვლოად "ტორინო" 87.3 მლნ. ფუნტს ითხოვს.

წყარო: skysports