"მანჩესტერ იუნაიტედის" ნახევარმცველმა, ანდერ ერერამ განაცხადა, რომ მიუხედავად მის მიმართ "ბარსელონას" მხრიდან გამოჩენილი ინტერესისა, "ოლდ ტრაფორდის" დატოვებას არ აპირებს.

ორი კვირის წინ "კამპ ნოუს" მკვიდრებმა მთავარი მწვრთნელის პოსტზე ერნესტო ვალვერდე დანიშნეს. ბილბაოს "ატლეტიკის" ყოფილ მწვრთნელს კი ერერასთან უკვე აქვს ნამუშევარი და ჭორების თანახმად, მასთან გაერთიანება კიდევ ერთხელ სურს.

თავად ანდერს მსგავსი გეგმები არ აქვს: ესპანელმა შესანიშნავი ურთიერთობა ჩამოაყალიბა ჟოზე მოურინიოსთან და "იუნაიტედის" ერთ-ერთ მნიშვნელოვან ფიგურად იქცა. მეტიც, ერერა "ოლდ ტრაფორდზე" რამდენიმე წლის გატარებას აპირებს.

"მოურინიო გამარჯვებისთვის არის დაბადებული. სამი ტიტული, რომელიც პირველივე სეზონში მოიგო, ნათლად ასახავს მის ოსტატობას. ასეთი მწვრთნელის ხელმძღვანელობით თამაშის უზადოდ მოხარული ვარ.

იმედი მაქვს, "მანჩესტერ იუნაიტედში" დიდხანს დავრჩები. მოურინიოსგან სწავლა და პროგრესირება მსურს. საერთოდ კი, ყველა მწვრთნელის მადლიერი ვარ, ვისთანაც ჩემი კარიერის განმავლობაში მიმუშავია", - განაცხადა ესპანელმა.

წყარო: espn