მოურინიო თავის თავს "იუნაიტედზე" წინ არ აყენებს.
ჟოზე მოურინიომ თავის წარმატებულ კარიერაში მეოთხე ევროპული ტიტულის მოგება შეუძლია, მაგრამ მიაჩნია, რომ ევროარენაზე წარმატების გზაზე "მანჩესტერ იუნაიტედის" დაბრუნება უფრო მნიშვნელოვანია, ვიდრე პირადი ჯილდო.
მოურინიო ოთხშაბათს თავის ფუნდს ევროპა ლიგის ფინალში "აიაქსთან" ამ ტურნირის უკვე მომგების სტატუსით გაიყვანს. მართალია, მაშინ სხვა სახელი ერქვა, მაგრამ მოურინიომ UEFA-ს თასი 2003 წელს ფინალში "სელტიკის" 3-2 დამარცხებით მოიგო "პორტუსთან" ერთად. მომდევნო წელს კი პორტუგალიური გუნდით ჩემპიონთა ლიგა მოიგო, რასაც 2010-ში მილანის "ინტერით" ამავე ტურნირზე მოპოვებული წარმატება დაურთო.
ჟოზეს "პორტუმ" 2004 წელს სწორედ "იუნაიტედი" გამოთიშა ჩემპიონთა ლიგის გათამაშებას, როცა "ოლდ ტრაფორდზე" კოშტინიას მიერ გატანილმა გადამწყვეტმა გოლმა მოურინიოს ემოციური აღნიშვნა გამოიწვია მოედნის კიდესთან. როცა ჰკითხეს, შეიძლებოდა თუ არა, რომ ასევე აღენიშნა "აიაქსთან" მოგება, მოურინიომ უპასუხა:
"რატომაც არა? ეს მომენტზეა დამოკიდებული, უბრალოდ ვამბობ, რომ შემთხვევას გააჩნია.
მე ყველაზე დიდი, ჩემპიონთა ლიგის ფინალი მოვიგე ანგარიშით 3-0, მაგრამ არ მირბენია და არ მიხტუნია, ვინაიდან ეს თამაშის ემოციაზეა დამოკიდებული.
თუმცა, კლუბისთვის საოცარი იქნება ევროპული ტიტულების მოპოვების გზაზე დაბრუნება, ევროპის სუპერ თასზე თამაში. კლუბი კი გაცილებით მნიშვნელოვანია, ვიდრე ყოველი ჩვენგანი."მიუხედავად იმისა, რომ მოურინიომ მიმდინარე სეზონში უკვე მოიგო ტიტული, მას, რა თქმა უნდა, სურს იმ ტურნირის მოგებაც, რომელთანაც ასე ახლოსაა.
წყარო:
manutd.com