უეინ რუნიმ კაზინოში თამაშისას 2 საათში 500 ათასი ფუნტი სტერლინგი წააგო. "მანჩესტერ იუნაიტედისა" და ინგლისის კაპიტანი რულეტსა და ბლექჯეკში დამარცხდა.
კაზინო "მანჩესტერ 235-ის" თანამშრომელი აცხადებს: "ძალიან ბევრს დებდა წითელზე და თავის სამყაროში იმყოფებოდა."
აზარტული რუნი ბლექჯეკსა და რულეტზე წუთში 4 ათას ფუნტზე მეტს დებდა და აგებდა. თვითმხილველები აცხადებენ, რომ რუნი კაზინოში საღამოს მარტო მივიდა და 2 საათი გაატარა ორ სხვადასხვა თამაშსა და ლუდის სმაში.
ერთ-ერთი თანამშრომელი: "უეინი საშინლად უგუნურად იქცეოდა, ძირს უცვივდებოდა ჩიპები, რომლებიც დიდ ფსონს განასახიერებდა.
ლუდს ბოთლიდან სვამდა. მაგრამ მთვრალი არ იყო. თამაში უფრო აინტერესებდა, ვიდრე დალევა.
როცა რულეტს თამაშობდა, უფრო მეტად წითელზე დებდა და დიდ თანხებს დებდა ცალკეულ ციფრებზე. აგებდა და აგებდა, მაგრამ ეს უფრო მეტი ფსონის დადებაზე აქეზებდა.
თავის წაგებას დასცინოდა, რაც კიდევ უფრო ართულებდა მის ვითარებას. კაზინოში მყოფი ხალხი მას უყურებდა და უკვირდათ, რაც ხდებოდა.
თავის სუთქვას წყევლიდა და თავის პატარა სამყაროში იმყოფებოდა, რომელიც მაგიდებით და მის ირგვლივ არსებული სათამაშო აპარატებით შემოიფარგლებოდა.
ბოლოს კი ძალიან დაღვრემილი ჩანდა. თუმცა, კაზინოს თანამშრომლები მასზე ზრუნავდნენ და რუნის VIP საშვი აქვს. მართალია, ბევრს გამოიმუშავებს, მაგრამ ასე წაგება მაინც სიგიჟეა."
ეს ახალი ამბავი მაშინვე გავრცელდა გაერთიანებული სამეფოს საფეხბურთო სამყაროში, სადაც არაერთი აზარტული სკანდალი მომხდარა - მათ შორის 18-თვიანი დისკვალიფიკაცია ჯოუი ბარტონს, რომელიც მატჩებზე დებდა ფსონს.
31 წლის რუნი, რომელსაც პირადი ანგარიში აქვს კაზინოში, 16 მარტს, ევროპა ლიგაზე "როსტოვთან" მატჩის შემდეგ გამოჩნდა სამორინეში.
"იუნაიტედის" კაპიტანი ტრავმის გამო ვერ თამაშობ და იძულებული იყო, თამაშისთვის ლოჟიდან ედევნებინა თვალი. "შუაღამე და შუა კვირა იყო, როცა მოვიდა, ამიტომ ბევრი ხალხი არ იყო კაზინოში. უეინი VIP ადგილში შევიდა და იქ 2 საათამდე დარჩა.
წუთში ათასებს აგებდა, საათში კი 100 ათასებს. დაუჯერებელი რაოდენობაა".