ხუან მატა ვერავითარ მიზეზს ვერ ხედავს იმისა, თუ რატომ უნდა დატოვოს დავიდ დე ხეამ "მანჩესტერ იუნაიტედი".
ესპანელი კიპერი 2015 წელს ძალიან ახლოს იყო მადრიდის "რეალში" გადასვლასთან, მაგრამ სატრანსფერო ფანჯრის ბოლო დღეს ტექნიკური გაუმართაობის გამო მისი ტრანსფერი არ შედგა.
მიუხედავად ამისა, 26 წლის დავიდის ირგვლივ ჭორები არ წყდება და მას კვლავ "სანტიაგო ბერნაბეუს" უკავშირებენ. თუმცა, მატა მიიჩნევს, რომ მის თანამემამულეს "ოლდ ტრაფორდის" დატოვების მიზეზი არ აქვს.
"მე ვფიქრობ, ბედნიერია და ნამდვილად კლუბის ერთგული. მას კონტრაქტი აქვს. ინგლისში ცხოვრებას მიეჩვია, მანჩესტერში ბედნიერია.
ჩემთვის ის დიდებულია - დიდებული პიროვნება და დიდებული ფეხბურთელი. საუკეთესო მეკარე თუ არა, ტოპ-სამეულში ნამდვილად შედის.
გასულ სეზონში მისი წყალობით ბევრი ქულა მოვიპოვეთ, გუნდის საუკეთესო ფეხბურთელი გახდა სამ სეზონში და ბედნიერია, ვერავითარ მიზეზს ვერ ვხედავ მისი მდგომარეობის შეცვლისა. დაე, იმედი ვიქონიოთ, რომ ჩვენთვის კიდევ ბევრ ბურთს მოიგერიებს."