79 წლის ფასუ ანტუან პოგბა, "მანჩესტერ იუნაიტედის" ნახევარმცველის, პოლ პოგბას მამა გუშინ გარდაიცვალა.

ფრანგულ მედიას სამწუხარო ამბავი ოჯახის წევრებმა დაუდასტურეს.

ფასუ გარდაცვალებამდე დიდი ხანი ავადმყოფობდა. თუმცა საფრანგეთისა და შვეიცარიის ნაკრებების თამაშს ევრო2016-ზე მაინც დაესწრო, როცა მისი შვილები, ფლორენტინი და მატიასი ტრიბუნებზე გამოჩნდნენ მაისურზე წარწერით "მამების დღეს გილოცავთ".



საგულშემატკივროდ მისული ფასუ მისუსტებული, მაგრამ მოხარული ჩანდა, რომ თავისი შვილების კამპანიაში გულშემატკივრობდა პოლს, რომელმაც მატჩის შემდეგ იმავე წარწერის მქონე მაისური გამოაჩინა.



მიმდინარე წლის მარტში კი "იუვენტუსის" ყოფილმა ფეხბურთელმა სოციალურ ქსელში გაავრცელა ფოტო, რომელიც მამის 79 წლის იუბილებს ეძღვნებოდა.

ფოტოს თან დაურთო წარწერა: "დაბადების დღეს გილოცავ, მამა, თავს დალოცვლიად ვგრძნობ, რომ შენი შვილი ვარ"



წყარო: mirror