დღევანდელი ვარჯიშის ამსახველი ფოტომასალა.
"იუნაიტედი" ხუთშაბათს ევროპა ლიგის ნახევარფინალური ეტაპის საპასუხო შეხვედრაში "სელტა ვიგოს" უმასპინძლებს და მატჩს სტუმრად მოპოვებული 1-ბურთიანი უპირატესობით დაიწყებს. შეხვედრის წინ მოურინიოს გუნდმა Aon-ის სავარჯიშო კომპლექსზე ბოლო ვარჯიში გამართა.
"წითელმა ეშმაკებმა" ოქტომბრის შემდეგ პირველი მარცხი განიცადეს პრემიერ ლიგაში, როცა "არსენალთან" სტუმრად 2-0 დამარცხდნენ. გუნდის სასტარტო შემადგენლობაში არ იყვნენ ისეთი მნიშვნელოვანი ფეხბურთელები, როგორებიც პოლ პოგბა, ერიკ ბაიი, ანტონიო ვალენსია და მარკუს რეშფორდი არიან. მოურინიოს ეს ფაქტი მომდევნო მატჩში სრული მობილიზების სურვილით ახსნა და განაცხადა, რომ მისი გუნდი ევროტურნირის მოგებას ეცდება.
ვარჯიშში მონაწილე ფეხბურთელთა სია: დე ხეა, პერეირა, რომერო, ბაიი, ბლინდი, დარმიანი, ჯონსი, სმოლინგი, ტუანზებე, ვალენსია, კერიკი, ფელაინი, ერერა, ლინგარდი, მატა, მხითარიანი, პოგბა, უილოკი, მარსიალი, რეშფროდი, რუნი.